Game-CiTIUS: a IA que aprende xogando

Sobre o Proxecto

Game-CiTIUS é un proxecto innovador que explora as capacidades da intelixencia artificial mediante o aprendizaxe a través de xogos. Esta iniciativa demostra como as máquinas poden aprender e mellorar as súas habilidades de xeito autónomo, simulando procesos de aprendizaxe similares aos da propia evolución das especies.

O proxecto busca achegar ao público xeral os conceptos fundamentais da IA de forma didáctica e interactiva, concienciando sobre impacto enerxético e facendo uso de exemplos prácticos que facilitan a comprensión desta tecnoloxía que está transformando o noso mundo.

Desenvolvido no CiTIUS dende cero, facendo uso de impresión 3D e software libre, Game-CiTIUS é unha ferramenta educativa para mellorar o aprendizaxe da intelixencia artificial, concretamente dos algoritmos xenéticos.

Proceso de Creación

Descubre como se creou Game-CiTIUS dende cero: dende a impresión 3D da carcasa ata a programación final

1

Impresión 3D

A carcasa de Game-CiTIUS foi deseñada e fabricada mediante impresión 3D, permitindo crear unha estrutura personalizada e optimizada para albergar todos os compoñentes electrónicos. Este proceso de fabricación dixital permite iterar rapidamente sobre o deseño e adaptar a carcasa ás necesidades específicas do proxecto.

📥 Descargar Modelo 3D

2

Deseño da PCB

O circuíto impreso foi deseñado utilizando KiCad, unha ferramenta de código aberto profesional para o deseño de PCBs. Este software permitiunos crear un deseño preciso que integra todos os compoñentes electrónicos necesarios para o funcionamento do sistema, optimizando o espazo e as conexións entre os diferentes módulos.

📥 Descargar Modelo PCB

Deseño da PCB en KiCad
3

Montaxe dos Compoñentes

O sistema está construído ao redor dunha Raspberry Pi Pico 2, un microcontrolador potente e eficiente. Ademais, intégrase un módulo WiFi para conectividade inalámbrica e unha pantalla de baixo consumo que permite visualizar o xogo mentres se mantén unha excelente autonomía enerxética. Esta combinación de compoñentes garante un rendemento óptimo minimizando o consumo.

Montaxe dos compoñentes electrónicos
4

Programación do Sistema

Para executar o xogo nun dispositivo con recursos limitados como a Raspberry Pi Pico 2, desenvolvemos un motor de videoxogos personalizado optimizado para traballar có mínimo número de recursos de memoria e procesamento. Este motor implementa o algoritmo xenético e xestiona eficientemente a renderización gráfica, permitindo unha experiencia fluída incluso en hardware de baixo consumo.

🔗 Ver código en GitHub

Quen Somos

O equipo detrás de Game-CiTIUS, traballando para achegar a intelixencia artificial ás novas xeracións

César Díaz

César Díaz

Investigador Predoutoral

Graduado en Enxeñaría Informática pola USC e estudante de doutoramento en Tecnoloxías da Información dende 2022. A súa investigación céntrase na aplicación de técnicas de aprendizaxe automática a imaxes de ecografía fetal, coa Bolsa Predoutoral da Xunta de Galicia.

F. Javier Cardama

F. Javier Cardama

Investigador Predoutoral

Graduado en Enxeñaría Informática e Máster en Computación de Altas Prestacións pola USC. Realiza o seu doutoramento en computación cuántica distribuída e as súas aplicacións. Apaixonado pola divulgación científica, imparte charlas en colexios e eventos como Pint of Science.

Samuel Soutullo

Samuel Soutullo

Investigador Predoutoral

Graduado en Enxeñaría Informática e Máster en Deseño e Tecnoloxía de Videoxogos en Suecia. Dende 2023 desenvolve o seu doutoramento en Computación de Altas Prestacións no CiTIUS. Creador de Blitter, app Android con máis de 10.000 descargas.